మలయాళ స్టార్ దుల్కర్ సల్మాన్, సీతా రామం వంటి బ్లాక్బస్టర్తో తెలుగులోనూ తిరుగులేని క్రేజ్ సంపాదించాడు. అందుకే, రానా దగ్గుబాటి తన స్పిరిట్ మీడియా బ్యానర్పై, దుల్కర్తో కలిసి నిర్మించిన కాంతపై అంచనాలు భారీగా పెరిగాయి. ₹100 కోట్ల క్లబ్లో సులభంగా చేరుతుందని ట్రేడ్ వర్గాలు ధీమా వ్యక్తం చేశాయి.
నవంబర్ 14న ప్రపంచవ్యాప్తంగా విడుదలైన ఈ సినిమాకు ముందుగా తమిళనాడు ప్రీమియర్స్ నుండి ‘సూపర్ టాక్’ వచ్చింది. దుల్కర్ నటన అద్భుతం అని ప్రశంసలు దక్కాయి. అయితే, తొలి ఆట నుంచే స్క్రీన్ ప్లే, నిడివి విషయంలో మిశ్రమ స్పందన మొదలైంది. ఇది అంచనాలను తలకిందులు చేసింది.
ఊహించని విధంగా కలెక్షన్లు పడిపోయాయి. ₹100 కోట్ల అంచనాకు దూరంగా, సినిమా మొత్తం మీద కేవలం ₹40 కోట్ల లోపే రాబట్టింది. ముఖ్యంగా, తెలుగు రాష్ట్రాల్లో ₹6 కోట్ల వసూళ్లతో ప్లాప్ లిస్ట్లో చేరిపోయింది. డైరెక్టర్ సెల్వమణి సెల్వరాజ్ టేకింగ్ ఆడియన్స్ను మెప్పించలేకపోయింది. అపజయాన్ని ఒప్పుకుంటూ, చిత్రబృందం ఆలస్యంగా రన్టైమ్ను కూడా తగ్గించింది.
ఇదిలా ఉండగా, ఈ సినిమా ఫలితం యంగ్ హీరోయిన్ భాగ్యశ్రీ బోర్సే కెరీర్పై ప్రభావం చూపింది. మిస్టర్ బచ్చన్, కింగ్డమ్ తరువాత, కాంత సినిమా కూడా ఫ్లాప్ కావడంతో, టాలీవుడ్లో ఆమెకు హ్యాట్రిక్ ఫ్లాప్స్ పడ్డాయి. వరుసగా మూడో పరాజయం చూసిన భాగ్యశ్రీపై ఇప్పుడు ‘ఐరన్ లెగ్’ ముద్ర పడుతుందేమోనని సినీ వర్గాలు గుసగుసలాడుకుంటున్నాయి. అందం, అభినయం ఉన్నా, ఆమెకు అదృష్టం కలిసి రావడం లేదన్నది వాస్తవం.
