టాలీవుడ్లో ఇప్పుడు ఒక హాట్ కాంబినేషన్ గురించి చర్చ నడుస్తోంది. అది మరెవరిదో కాదు.. యంగ్ హీరో శర్వానంద్, సీనియర్ దర్శకుడు శ్రీను వైట్ల కాంబినేషన్! వైట్ల తన బెస్ట్ ఫామ్ను మళ్ళీ చూపించేందుకు సిద్ధమవుతుండగా, మైత్రీ మూవీ మేకర్స్ బ్యానర్లో వీరిద్దరి కలయికలో ఒక భారీ ప్రాజెక్ట్ తెరకెక్కనుంది.
అయితే, ఈ సినిమాకు సంబంధించిన లేటెస్ట్ మరియు మోస్ట్ ఎగ్జైటింగ్ అప్డేట్ తాజాగా బయటికొచ్చింది. ఈ చిత్రంలో శర్వానంద్కు జోడీగా ‘మ్యాడ్’ బ్యూటీ అనంతిక సునీల్ కుమార్ను ఫైనల్ చేసినట్టు సమాచారం. ‘8 వసంతాలు’ లాంటి చిత్రాలతో ఇప్పటికే యూత్లో మంచి క్రేజ్ సంపాదించుకున్న అనంతిక, ఇప్పుడు శర్వానంద్తో కలిసి స్క్రీన్ షేర్ చేసుకోనుంది. ఈ కొత్త ఎనర్జిటిక్ జోడీ కెమిస్ట్రీపై అంచనాలు భారీగా ఉన్నాయి.
శ్రీను వైట్ల కెరీర్ గ్రాఫ్ గత కొన్నేళ్లుగా పెద్దగా ఆశాజనకంగా లేదు. ఒకప్పుడు ‘డీ’, ‘రెడీ’, ‘దూకుడు’ లాంటి కమర్షియల్ బ్లాక్బస్టర్లు అందించిన ఈ దర్శకుడికి.. ఆ తర్వాత వచ్చిన వరుస ఫ్లాపులు బ్రేక్ వేశాయి. రీసెంట్గా గోపీచంద్తో చేసిన ‘విశ్వం’ పర్వాలేదనిపించినా, వైట్ల స్థాయి హిట్ కాలేకపోయింది. అందుకే, ఈ కొత్త సినిమాను ఆయన కమ్బ్యాక్ చిత్రంగా భావిస్తున్నారు. ఈ ప్రాజెక్ట్పైనే తన ఫ్యూచర్ ఆధారపడి ఉందనే ఒత్తిడి వైట్లపై స్పష్టంగా కనిపిస్తోంది.
ఈ ప్రాజెక్ట్కు మొదట యంగ్ హీరో నితిన్ను అనుకున్నారు. కథ విషయంలో కొంత చర్చ నడిచినా, అనుకోని కారణాల వల్ల నితిన్ తప్పుకున్నాడు. మంచి కథ చేజారిపోకూడదని భావించిన మైత్రీ మేకర్స్.. వెంటనే యంగ్ అండ్ వర్సటైల్ హీరో శర్వానంద్ను సంప్రదించారు. కథ వినగానే శర్వానంద్ గ్రీన్ సిగ్నల్ ఇచ్చేశాడట.
ముఖ్యంగా, ఈ కథను ‘సామజవరగమన’ లాంటి సూపర్ హిట్ ఫ్యామిలీ ఎంటర్టైనర్కు పనిచేసిన రైటర్ నందు అందించడం ఈ ప్రాజెక్ట్కు మరింత బలాన్ని చేకూర్చింది. సరైన రైటింగ్ టీమ్ ఉంటే వైట్ల మళ్లీ ఫామ్లోకి రావడం ఖాయమనే నమ్మకం ఇండస్ట్రీలో ఉంది.
కథలో కొత్త ఎమోషనల్ టచ్.!
వైట్ల తన గత సినిమాల్లో ఎక్కువగా కామెడీ, ఎంటర్టైన్మెంట్కు ప్రాధాన్యత ఇచ్చేవారు. అయితే, ఈ కొత్త చిత్రంలో కమర్షియల్ ఎలిమెంట్స్తో పాటు ఎమోషనల్ డెప్త్ కూడా ఉంటుందనే టాక్ వినిపిస్తోంది. హీరో యంగ్ ఏజ్లో జరిగిన ఓ ఆవేశపూరిత సంఘటన చుట్టూ ఈ కథ నడుస్తుందట. దీనికి తోడు, ఈ చిత్రంలో ఒక సీనియర్ నటుడు కూడా కీలక పాత్ర పోషించనున్నారని సమాచారం.
మైత్రీ మూవీ మేకర్స్ వంటి భారీ ప్రొడక్షన్ హౌస్ బ్యాకింగ్ ఉండటంతో, ఈ సినిమాను భారీ స్థాయిలో, రాజీ పడకుండా నిర్మించడానికి ప్లాన్ చేస్తున్నారు. శర్వానంద్ తన ప్రస్తుత ప్రాజెక్టులను పూర్తి చేయగానే, ఈ ఏడాది చివర్లో ఈ క్రేజీ కాంబో సెట్స్ పైకి వెళ్లే అవకాశం ఉంది. ఈ సినిమాతో వైట్ల హిట్ ట్రాక్ ఎక్కుతారో, శర్వానంద్కు సాలిడ్ కమర్షియల్ బ్రేక్ దొరుకుతుందో వేచి చూడాలి.
