టాలీవుడ్ లో ఓవర్ నైట్ స్టార్ డమ్ తెచ్చుకున్న యంగ్ హీరోల్లో సంగీత్ శోభన్ ముందు వరుసలో ఉంటారు. ‘మ్యాడ్’ (MAD) సినిమాతో యూత్ లో బీభత్సమైన క్రేజ్ సంపాదించుకున్న ఈ కుర్ర హీరో, ఆ తర్వాత సీక్వెల్ తోనూ అలరించారు.
అయితే గత కొద్ది రోజులుగా సోషల్ మీడియాలో “సంగీత్ శోభన్ ఎక్కడ?” అనే ప్రశ్న గట్టిగా వినిపిస్తోంది. వరుస సినిమాలు చేయకుండా ఈ గ్యాప్ ఎందుకు తీసుకున్నారో అని ఫ్యాన్స్ ఆరా తీస్తున్నారు. దీని వెనుక అసలు కథ వేరే ఉంది.
హిట్ల తర్వాత వ్యూహాత్మక మౌనం..?
2025 ఆరంభంలో ‘మ్యాడ్ స్క్వేర్’ తో మరోసారి బాక్సాఫీస్ దగ్గర సందడి చేశారు సంగీత్. ఆ తర్వాత జూన్ లో ‘గ్యాంబ్లర్స్’ సినిమాతో ప్రేక్షకుల ముందుకు వచ్చారు. అయితే ఈ సినిమాల తర్వాత సంగీత్ కాస్త సైలెంట్ అయ్యారు.
అన్నయ్య సంతోష్ శోభన్ వరుస సినిమాలు చేస్తుంటే, సంగీత్ మాత్రం కథల ఎంపికలో ఆచితూచి అడుగులు వేస్తున్నారు. కేవలం డబ్బు కోసమో, కనిపించాలి కదా అనో సినిమాలు చేయడం సంగీత్ కు ఇష్టం లేదట. పక్కా ఎంటర్టైనర్ అయితేనే గ్రీన్ సిగ్నల్ ఇస్తానని భీష్మించుకు కూర్చున్నారు.
మెగా కాంపౌండ్ లో క్రేజీ ప్రాజెక్ట్..
తాజా సమాచారం ప్రకారం.. సంగీత్ శోభన్ ప్రస్తుతం ఓ క్రేజీ ప్రాజెక్ట్ లో బిజీగా ఉన్నారు. మెగా డాటర్ నిహారిక కొణిదెల తన సొంత బ్యానర్ ‘పింక్ ఎలిఫెంట్ పిక్చర్స్’ పై నిర్మిస్తున్న సినిమాలో సంగీత్ హీరోగా నటిస్తున్నారు. ఈ సినిమాకు మానస శర్మ దర్శకత్వం వహిస్తున్నారు. గతంలో ‘బెంచ్ లైఫ్’ వెబ్ సిరీస్ తో విమర్శకుల ప్రశంసలు అందుకున్న మానస, సంగీత్ కోసం ఓ హిలేరియస్ స్టోరీని సిద్ధం చేశారట.
ఈ సినిమా షూటింగ్ పనులు చకచకా జరుగుతున్నప్పటికీ, ప్రమోషన్స్ విషయంలో టీమ్ సైలెంట్ గా ఉంది. అందుకే సంగీత్ బయట పెద్దగా కనిపించడం లేదు. కేవలం కామెడీ మాత్రమే కాకుండా, ఈసారి కొత్త వేరియేషన్ తో ఆడియన్స్ ని సర్ప్రైజ్ చేయడానికి సంగీత్ రెడీ అవుతున్నారు. సితార ఎంటర్టైన్మెంట్స్ లాంటి పెద్ద బ్యానర్స్ కూడా సంగీత్ తో సినిమాలు చేయడానికి క్యూలో ఉన్నాయట.
మొత్తానికి “గ్యాప్ రాలేదు.. తీసుకున్నా” అనే రేంజ్ లో సంగీత్ శోభన్ సైలెన్స్ వెనుక పెద్ద ప్లానింగే ఉంది. త్వరలోనే అఫిషియల్ అనౌన్స్ మెంట్స్ తో రచ్చ చేయడం ఖాయం.
